Ezekiel 39
1“Mihing tapa aw, Gog siat ding genkhol inla: ‘Hih in Thupipen TOPA gen ahi hi: Meshech le Tubal ukpipa ▼▼39.1 Ahikeh Rosh ukpipa Gog
Gog aw, nang langah ka pang hi. 2Kong pingpei dinga kong talkaihgawp ding hi. Leilu-lam gamlapi panin kong lakhia dinga Israel mualliante kong simsak ding hi. 3Tua ciangin na veilam khuta na thal ka bengkhia dinga, na taklam khuta na thaltang ka kiasak ding hi. 4Israel mualtung ah nang le na galkapte khempeuh, nang tawh a kop minamte khempeuh a puk ding uh hi. Vasa nam khempeuh le gamsa khempeuh an dingin nang kong pia ding hi. 5Keimah in ka gensa ahi manin gam sungah na puk ding uh hi, Thupipen TOPA in cikhia hi. 6Magog le tuipi gei-a lungmuangtaka tengte mei-in ka hal dinga tua ciangin keimah TOPA ka hilam a thei ding uh hi. b 7 “’Ka mi Israel lakah ka min a sianthona ka kitheisak ding hi. Ka min siangtho ka daisak nawn kei dinga, minamte in Israel gam sunga keimah TOPA Siangtho Pa ka hilam a thei ding uh hi. 8Tua hun hong tung ta hi! A piang takpi ding ahi hi, Thupipen TOPA in cikhia hi. Ka gensa ni hih ni ahi hi. 9 “’Tua ciangin Israel khuapi sunga tengte paikhia-in galvante - lumlian lumneute, thal le thaltangte, gal khetbukte le teipite mei-in cihin a haltum ding uh hi. Ansing dingin tuate kum sagih sung a khom ding uh hi. 10Amaute in gamlakah sing tom loin sing phuk a kul kei ding hi. Ahang in, galhiamte singin a cih ding uh hi. Tua ciangin amaute in amau van a laksakte’ van laksak ding uh a amau na a sutte’ na a sut ding uh hi, Thupipen TOPA in cikhia hi. c 11 “’Tua ni ciangin Israel gam sungah Gog han mun dingin Tuipi ▼▼39.11 Tua in Si Tuipi
lam zuatna nisuahna lama ▼▼39.11 Ahikeh a
khualzinte paina kuam mun khat ka pia ding hi. Gog le a mipite khempeuh tua lai-ah kivui ding uh ahi manin khualzinte lampi a khaktan ding hi. Tua ciangin tua mun Hamon Gog ▼▼39.11 Hamon Gog pen Gog honpi cihna
Kuam kici ding hi. g 12 “’Israel innkuante in a gamsung uh a hahsiang nadingun kha sagih sung amaute a vui khop ding uh hi. 13Tua gam mite in amaute vui ding uh a, amau adingin kei hong kiminthansak ni, a kiphawk den ni khat a suak ding hi, Thupipen TOPA in cikhia hi. h 14 “’Leitang hahsiang dingin ahunhunin mi kicial ding hi. Pawlkhatte in gamsung khempeuh zong ding uh a, tuate banah adangte in leitunga omte a phum ding uh hi. Kha sagih a cin ciangin a zong dingin a kipan ding uh hi. 15Gam sung teng a zonna uah mi khat in misi guh khat a muh leh khul tote in Hamon Gog Kuam ah a vui khit mateng a kiangah ciamtehna khat a phut ding hi. 16(Tua lai-ah Hamonah ▼▼39.16 Manonah pen honpi cihna
kici khua khat zong a om ding hi.) Tuaci bangin gamsung a hahsiang ding uh hi,’ ci in. 17 “Mihing tapa aw, hih in Thupipen TOPA gen ahi hi: Vasa namkim le gamsa khempeuh sam inla, ‘Hong kikhawm un, Israel mualtunga alian mahmah biakpiakna - no adinga kibawl biakpiakna kimkot ah hong kikhawm un. Tua lai-ah sa ne-in sisan na dawn ding uh hi. 18Note in tuutal le tuuno, keeltal le bawngtal tawh kibang mi thahatte sa ne-in, gam-ukte si na dawn ding uh hi - amaute a vekpi un Bashan a kivakthau ganhingte vive ahi uh hi. 19Tua biakpiakna no adingin ka bawl hi-a, a thau na duh zahzah uh ne-in a sisan na khamgawp dong uh na dawn ding uh hi. 20Note in ka sabuai ah sakolte le a tunga tuangte, mi thahatte le galkap namkimte khamtakin na ne ding uh hi, Thupipen TOPA in cikhia hi. 21 Minamte lakah ka minthanna ka lak dinga, minamte khempeuh in amaute tungah ka khut liikin dan ka tuahsakna a mu ding uh hi. 22Tua ni-a kipan mailam ah Israel innkuante in keimah TOPA amaute Pasian ka hilam hong thei ding uh hi. 23Kei tungah ‘Israel mite muanhuai lo uh ahi manin amaute mawhna hangin sal-a kikai ahilam minamte in a thei ding uh hi. Tua ciangin amaute muh loh dingin ka maitang ka seel a, a galte uh khutah pia-in amaute namsau-in a puk uh hi. 24Amaute siantholohna le a gitlohna uh tawh kituakin ka thuaksaka amau muh loh dingin ka maitang ka seel hi. j 25 “Tua ahi ciangin hih in Thupipen TOPA gen ahi hi: Keimah in Jacob a saltanna ▼▼39.25 Ahikeh tu in Jacob daupaisak kik in
panin ka paikhiatpih dinga Israel mite khempeuh khuatuahin ka min siangtho ka aam ding hi. 26Amaute a gam uah omin kuamah in a lauthawngsak loh hun ciangin kei tunga a bawl uh a muanhuai lohnate uh le maizumhuainate mangngilh ta ding uh hi. 27Minamte lak pan kaikhawm kika, a galte uh gam pan ka khop kik ciangin amaute tungtawnin minam tampite mai-ah ka sianthona ka kilak ding hi. 28Tua ciangin amaute in keimah TOPA amaute Pasian ka hilam hong thei ding uh hi; ahang in, minamte lakah amaute sal-in ka kikaihsak hangin, khat beek nusia loin amau gamah ka kaikhawm kik ding hi. 29Israel innkuante tungah ka Kha buakhia ding ka hi manin amaute kiang panin ka maitang ka seel nawn kei ding hi, Thupipen TOPA in cikhia hi,” hong ci hi. l
Copyright information for
ZomZIV